Warning: Use of undefined constant REQUEST_URI - assumed 'REQUEST_URI' (this will throw an Error in a future version of PHP) in /home/customer/www/sa7efa.com/public_html/wp-content/themes/sahifa/functions.php on line 73
في حوار خاص مع لوجينة طاهر نفسي اقابل مصمم الأزياء هاني البحيري، وانتظروني قريبا في أعمال  متميزة إن شاء الله - جريدة الجمهور
أخبار عاجلة
الرئيسية / حوارات / في حوار خاص مع لوجينة طاهر نفسي اقابل مصمم الأزياء هاني البحيري، وانتظروني قريبا في أعمال  متميزة إن شاء الله

في حوار خاص مع لوجينة طاهر نفسي اقابل مصمم الأزياء هاني البحيري، وانتظروني قريبا في أعمال  متميزة إن شاء الله

 

حوار  : خالد حمادة 

لوجينة متميزة صاحبه مشوار فني حافل ، الذي حققت نجاحا فاق التوقعات، وجذبت أنظار محبيها من خلال إطلالتها المختلفة خلال ديفلية كيدز بقيادة مستر حسام فيض الله بمركز المؤتمرات باستاد القاهرة أرض المعارض، لوجينة تسير على خطى ثابثه منذ بدايتها تحاول أن تختار اعمالها وتتنوع في الأدوار التي تقدمها وفي كل مرة تحاول تغير و هو مانجحت فيه في أدوارها الجديدة وانها صاحبة الاعمال المشرفة، واعربت والدة لوجينة عن سعادتها بردود حول أفعال الجمهور ومحبيها و نالت إشادة كبيرة من الجمهور ، من خلال الإعلانات و البراندت ظهورها بكامل أناقتها و جمالها و إعجاب الكثير من محبيها بجمالها بشكل كبير ولفتت الأنظار للجميع ، وحرصت جريدة الانطلاقه الإخبارية على إجراء الحوار معها و كشفت  التفاصيل كالاتي :

في البداية.. عرفينابنفسك، في سنه كام؟

ج :اسمي لوجينة طاهر، عندي 11 سنة.

* الفرصه جتلك ازاي في مشوارك بمجال الميديا؟

ج:ماما قدمتلي في مكاتب الكاست وجتلي أول فرصة في برومو ماما دوت اوم.

* ما هي الاعمال التي شاركتي فيها؟

_ بدايتي شاركت في برومو ماما دوت اوم وبعدها صورت لبراندات، ومن ثم اتعرفت من خلال الفيس والانستجرام، وبقي ليا فانز عارفني في كل مكان وعملت سيشن كاو بوى في السخنة مع الفوتوجرافر إيهاب رمزي اللي من خلاله بدأ الناس يسالوا مامي هو بنتك شكلها لبناني أو تركي ازاي كده وده فعلا لأن بابا من أصل تركي والفوتوجرافر إيهاب هو اللي اختار ليا سيشن كاو بوى وقالي انا شايفك في الاستايل ده وفعلا السيشن لسه الناس فاكراه كل أما ينزل صورة منه يعلقوا عليه من جديد كأنه لأول مرة ينزل، وأنا بحب أوى السيشن ده عشان كده بتكلم عنه كتير بشكل مستمر وده كان متصور في العين السخنه وبعدها قدمت في ديفيليه ديجيبت مع مستر حسام فيض الله وبنته اللي بتدربني  وليه فضل معايا ، وانا فخورة لأنى في ديفيليه كيدز لأنه اظهرنى كموديل بشكل لائق وشيك ومحترم ومستر حسام فيض الله استفدت منه كتير ودايما بينصحني عشان أكون موديل بروفيشينال والحمد لله أنا راضية باللي وصلتله لغاية دلوقتى وانا دخلت مجال الميديا من سنة ونص فقط، وبعدها طلعت في برنامج سوبر كيدز مع المذيعة رشا سعدون ، وقدمت فقره عن الفاشون وعجبتها جدا هي وفريق الإعداد وكانوا مبسوطين جدا مني الحمد لله واتكرمت في مهرجان اوسكار ايجيبت 2019، وعرضت شو باللبس الهندى ثم الفرعوني ثم الوطني، وحضره العديد من الممثلين وكنت مبسوطة أوى باليوم ده، واخدت ميدالية تكريم ، وحطاها في غرفتي لأنها ليها ذكرى عندى، وطلعت في برنامج كلام البنات مع المصممه نيره وقدمت عرض للفاشون وكمان برنامج هي وبس مع الإعلامية رضوى الشربيني وقدمت عرض للفاشون بالدريس الأحمر تصميم المصممة اللي بعشق تصميماتها رانيا محمد الجمال، والإعلامية رضوى الشربيني اعجبت بيا وأتصورت معاها بعد الحلقة وقدمتلها الورد الاحمر لأنه كان يوم عيد الحب، بس وقفت ظهور في الميديا بسبب الكورونا بس إن شاء الله راجعة تاني للظهور في الميديا إن شاء الله .

* كلمينا عن الموديل فاشون، وعن مشاركتك في ديفلية كيدز؟

_ بعشق الفاشون وعروضها ومركزة اكتر فيها عن التمثيل لأنها هوايتي من وانا صغيرة عندى 4 سنين.

*من الذي رشحك في ديفلية كيدز؟

ج : اللي رشحني لديفيليه كيدز مامي.

ماالصعوبات التي واجهتك؟

ج : مفيش صعوبات واجهتني الحمد لله انا ماشية في الميديا بخطوات ثابتة ومش مستعجلة لأي شهرة ولغاية دلوقتي راضية عن اعمالي.

ما أبرز النصائح ليكي و كان ردود أفعال الناس على  السوشيال ميديا ايه؟

ج : أما بردود افعال الناس الحمدلله ابهرتني لأنهم معجبين بظهورى واعمالي ودايما بيسالوا عني من خلال مامي والفيس والانستا وإن شاء الله الفترة اللي جايه في مفاجأة مع المخرج بركات كويلا وظهور ليا من نوع خاص مع المخرج بركات كويلا، واشكر كل الفانز علي متابعتهم ليا.

* ما هي طموحاتك خلال الخطوه الجاية؟

_ طموحاتي في الفترة اللي جايه اني اقابل هاني البحيرى واشارك في الفاشون شو الخاص بيه.

* ما هي كانت علاقتك برضوي الشربيني؟

ج : رضوي الشربيني بالنسبة ليا إعلامية نفسي اتصور معاها حلقات كتيرة.

حابه تقولي كلمة اخيره؟

ج : حابه أقول للفانز بتوعي إن شاء الله أكون عند حسن ظنكم، وحابه أقول لبابي لولا وجودك معايا ونصايحك ليا مكنتش بقيت لوجينة الموديل البروفيشينال، وانتظرونى قريبا في أعمال متميزة إن شاء الله مع بركات كويلا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *