Warning: Use of undefined constant REQUEST_URI - assumed 'REQUEST_URI' (this will throw an Error in a future version of PHP) in /home/customer/www/sa7efa.com/public_html/wp-content/themes/sahifa/functions.php on line 73
أولى جامعة - جريدة الجمهور
أخبار عاجلة

أولى جامعة

بقلم : إسلام يوسف 

كتير من الطلاب هيفكر ان الكلية زيها زى الثانوى ، الجواب مختلف  كل الاختلاف لماذا ؟
أولا :  صحبة الثانوى كانت أصحاب قريتك والقرية التى تليها من ثلاثة إلى خمسة قرى أن كثرة الأماكن سواء الدرس أو المدرسة ، فى الجامعة أصحاب عدة مدن وعدة محافظات وكل أجناس البشر هتلقيهم مترصين جمب بعض .
ثانيا : الذى يشرح فى الثانوى كنت بتقول يا استاذ وتزعق فيه لما بيشد عليك ، فى الجامعة اسمه دكتور لو فتحت فمك معاه او عليت صوتك قل على نفسك انا محول من الكلية .
ثالثا : الفصل اللى انتوا كنتو بتقعدو فيه فى المدرسة اسمه فصل بيشيل بالكتير ٤٠ الى ٥٠ طالب ، الكلية اسمه مدرج فيه كذا بينج ” مقعد جلوس ” بيتحمل متوسط من ٥٠٠ الى ٤٠٠٠ طالب على حسب الكلية .
رابعا :  قائد المؤسسة التعليمية فى المدرسة اسمه مدير اذا اشتكيت حد بيتعمله استدعاء ولى امر ، هنا فى الكلية اسمه عميد هنا لو اشتكيت حد بيتعمله مجلس تأديب وفصل سنتين أو استلام ملف على حسب شدة الشكوى وتدعياتها .
خامساً : حصة التقوية اللى كنت بتاخدها فى المدرسة اسمها تقوية ونشاط تقويمى فى الكلية اسمها سكشن عملى .
سادساً : اللى كان بيفصل عن الحصة والحصة اللى بعدها جرس كهربائى هنا فى الكلية لو الجرس ضرب معناها فيه حريقة وليس المحاضرة خلصت لأن وقت المحاضرة اما ساعة ونصف او ساعتين .
حاجة مهمة الأصحاب قبل ما تصاحب حد وتفتح مرشح الكلام وأرقامكم تبدلوها اعمل نفسك مش عارف حاجة بمعنى تعامل بلغة الطفولة ليه ؟ هتلاقى وش الاصحاب الحقيقى بيبان امامك اللى غلبان واللى تعبان واللى خباص واللى فتان واللى ظراط وظراط يعنى بيتكلم كلام كله كدب ، واللى بيتكبر واللى بيتباهى بمنظره ، طيب ايه أصناف الصحاب اللى اصاحبهم الغلبان والطيب ، وانت وطبعك هتلاقى اللى بيضحك واللى بيشرب واللى شمال واللى الدنيا ضايعة معاه فى التعليم يعنى مجرش بقاله ٣ سنين او ٤ سنين فى فرقة من فرق الكلية ودا اياك انك تصاحبه صحوبية سماع كلام ، وابعد عن الشمال عشان ما يغرقك معاه ، وبص لمستوى اللى هتصاحبه اجتماعيا وماديا عشان الحركات اللى هتلاقيها .
ابعد عن قصص الحب لأنها أتفه منها مفيش لأن مكان الكلية العلم بعد ما تخلص الكلية اعمل ماشاء لك .
صاحب اللى أكبر منك فى الكلية واسالهم عن كل دكتور طبعه ايه عشان لو ازمة قابلتك مع أحد الدكاترة تعرف تخرج نفسك منها .
اياك ثم اياك والمعرفة المبالغ فيها وسط الطلاب ووسط الدكاترة لأن الدكاترة بيغيروا من الطلاب اللى عندهم شهرة عالية ، وكتم على موهبتك ولا تخرجها الا اذا تخرجت من الكلية .
هذه نصائح من خبرة تلك الفترة ووقع فى منجرفات وندمنا أن هذا كان يحدث وقد كانت عقولنا مسحوبة منا .

شاهد أيضاً

هل هناك مصابون بفيروس كورونا دون أعراض؟

  كتب : هايدي الصقار   يوجد أشخاص في العشرينات والثلاثينات والأربعينات من العمر يجهلون …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *